Espainiako gobernuak hezkuntzan ezarri nahi duen LOMCE legea deuseustea, agintarien dimisioa eta hezkuntza ereduaren inguruko eztabaida zabaltzea exijitu dugu gaurko prentsaurrekoan. Honekin batera, egungo sistema kapitalista patriarkala eta “Madrili begira dagoen hezkuntza eredu inposatua” salatu eta Martxoa hasieran egingo diugun mobilizazioetara deitu dugu.
Gainera, Espainar estatuak, ofentsiba identitario eta zentralizatzailea aurrera eramaten ari da. Horren adibide gisa, azkeneko denboraldi honetan egituraketa autonomikoaren baitan irekitako eztabaidak ditugu. Baita, Wert hezkuntza ministroak adierazitako hitzak ere, zeinetan “el deber del gobierno es españolizar a los estudantes catalanes” adierazi duen. Honekin,argi utzi digute gizartearen homogenizazioa besterik ez dutela nahi; kultur, hizkuntz eta ohitura aniztasunaren aberastasuna alde batera utziz. Inposizio hauen aurrean, ikasleok, gure inguruneari egokituz, burujabetza indibidual zein kolektiboa bermatuko duen eredua eraikiko dugu.
Esandakoarekin lotuta, merkatuen eta estatuaren logikaren baitan, hezkuntza eredu zehatz bat inposatu nahi digute. Norabide horren baitan, azkeneko 32 urtetan hezkuntza ereduak pairatu izan dituen 11 erreformak kokatzen ditugu ( 7 irakaskuntza ez unibertsitarioetan, 1 lanbide heziketan eta 3 unibertsitate esparruan ). Guzti honen adierazleak LOMCE eta “Estrategia de Unibersidad 2015” ditugu.
Hezkuntza ertainean, inoiz baino akritikoagoa eta isilagoa izanen den ikasleria nahi dute, horregatik batzartze zein grebarako eskubidea ukatzeko nahian dabiltza. LOMCE legearen inposaketarekin, besteak beste, genero bereizkeria, zuzendaritzaren botere handitzea, hezkuntza komunitatearen parte hartzea murriztea, bereizkeria eta klazismoa ahalbidetzea, hizkuntza koofizialak baztertzea… dute helburu. Orain arteko eredu osoa birmoldatu nahi dute lanbide heziketa indartu nahi dutela esanez baina erabat debaluatuz eta unibertsitateko ikasle kopurua murriztuz, horretarako, hezkuntza fase bakoitzaren bukaeran errebalida bati aurre egitera behartu nahi gaituzte.
Bestetik, Nafarroako Unibertsitate Publikoan dugun egoera, ez da bestelako heziguneetako egoeraren perspektibatik urruntzen. Alde batetik, matrikulazio tasek nabarmenki egin dute gora eta horren ondorioz zenbait ikaslek, beraien ikasketak utzi behar izan dituzte matrikulazio prezio altu horiei aurre egin ezinik. Bestetik, “Estrategia de Universidad 2015” akordioa daukagu, enpresa pribatuek unibertsitatearen kudeaketan parte hartu ahal izango dute eta baita kudeaketaz jabetu ere, ikasgai desberdinak beraien eremuetara eramanez, merkatuan behar diren karrerak eskainiz etab.
Arrazoi guzti hauengatik, ez dugu onartuko hezkuntza sistema merkatuaren legeen baitan kudeatua izatea, batik bat, ikasleak bezeroak hutsak bagina bezala. Hezkuntza herritik herriarentzat eraikia egon behar delako, pertsonen eta ingurunearen beharretara egokitua.
Argiak dira Madrilgo zein Nafarroako gobernuen erreformen norabideak, gizartearen txirotzea eta eskubideen deuseztatzea dute helburu, enpresari dirudunek eta politikariek euren poltsikoak diruz betetzen duten bitartean. Baian nola ez, jendarte klase zapalduenen eskura, hau da, ikasle eta langileen eskura.
Gaurko egunez, inoiz baino garrantzitsuagoa da, ikasleria zein langileria borrokara batzea. Espainiako egitura politiko zein juridiko guztiak merkatuen eta politikarien interes ekonomikoei soilik erantzuten dietelako; dirudunen amnistia fiskala, bankuei 60.000.000.000€ko erreskatea gauzatzea, politikari ustelen ez espetxeratzea, lan merkatuaren liberalizazioa… herritar xumeok osasun, hezkuntza eta gizarte zerbitzuetan etengabeko murrizketak pairatzen ditugun bitartean. Hau guztia gutxi balitz, Nafarroako Gobernuak Yolanda Barcinaren agindupean, herrialdeko egoera sozio-ekonomikoa hondamendira eramaten ari da: 55.000 langabetu baino gehiago, %40 ko gazte langabezi tasa, CAN-eko diru hustutsea, Donapeako expolioa, murrizketa ekonomikoak, makro infraestrukturen eraikuntza (AHT, Navarra Arena, Los Arcosekoseko zirkuitoa..) eta ez dugu ahaztu behar zerbitzu publikoen pribatizazioa.
Arrazoi hauen aurrean, egoera kezkagarri hau salatzeko ordua iritsi zaigu. Euskal Herriak, burujabetza eskuratzeko beharra dauka. Horretarako, ezin bestekoa da Nafarroako egungo agintari politikoen dimisioa eskatzea, hauen kudeaketa txarrarengatik eta Espainiako inposizioei men egiteagatik.
- Hezkuntza erreformen deuseztatzea, hezkuntza komunitateak Euskal Herrirako Hezkuntza Sistema Nazionala ipar, Nafarroarentzako hezkuntza eredu propio baten eraikuntzarako eztabaidari ekinez.
- Wert, Iribasen eta Lafuenteren hezkuntza arduradunen dimisioa, merkatuen interesak defendatzeagatik, kalitatezko hezkuntza publiko, inklusibo, anitza eta parte hartzailearen baten aurrean.
- Nafarroako gobernuaren kanporatzea, ustelkeria, zorpetze eta murrizketen ordezkariak besterik ez direlako, Barcina kanpora.
- Martxoaren 4tik 8ra burutuko den mobilizazio astea.
- Martxoaren 7, mobilizazio eguna ikastetxeetan.
- Martxoak 14, Nafarroako Ikasle Greba Orokorra (12:30tan manifestazioa Antoniutitik).
BESTE KOMUNIKABIDEEN ALBISTEAK:
.jpg)
Espainiako Gobernuak ezarri nahi duen hezkuntza legea aztertzen hasi aurretik, ezinbestekotzat jo du Ikasle Abertzaleak antolakundeak legea bere testuinguruan azaltzea. PPk dituen helburuak hobeto ulertzeaz gain, legearen gaineko irakurketa eta aurrera begira duten planteamendua biltzen ditu liburuxkak.
Liburuxka ikusteko HEMEN klikatu
No hay comentarios:
Publicar un comentario