#GaztiakPlanto Iruñerriko ikasleek okupatutako haur eskola desalojatu dute

Gaur goizean Iruñerriko ikasle eta gazteek Arrosadia auzoan hutsik dagoen haur eskola okupatu dute, bestelako hezkuntza eredu bat sortze bidean espazio bilakatzeko helburuarekin.

Ahotsa.infok ikasle mobilizazioen jarraipen berezia egingo digu bihartik aurrera!

Elkarlanean egingo da martxoaren 27ko ikasle grebaren jarraipen informatiboa

Iepa gazte! Euskal Herrian herritik eta herriarentzat eraikiko den hezkuntza sistema propioaren alde martxoaren 27an egingo den ikasle greba ate joka dugun honetan, komunikatiboki ere indarrak batuko ditugu. Hego Euskal Herri osoan zehar egingo diren ekimen eta mobilizazioen berri emango dugu zuzenean. Baina, nola iritsi hori guztia egitera? Bada, ikasle mugimenduaren baitan kokatzen diren proiektu komunikatiboak elkarlanean arituta!

Emakumearen eguna Altsasun

Udaberri gorria dinamikaren barruan eta emakume langilearen nazioarteko egunaren harira, dokumental bat botatzea erabaki genuen Aralarko Mikel Donea ikastetxean. “Mujeres libres” dokumentala hain zuzen ere, borroka feministaren eta feminismoaren lehen urratsak kontatzen dituen dokumentala. 80 ikasle biltzea lortu genuen eta gure helburua ikasleen kontzientzia piztea izan zen, ikasle mugimendu indartsu bat lortzearren. GORA BORROKA FEMINISTA!

Inposaketen aurrrean M22an euskararen alde San Ferminen!

Asteazkenean Lizarran ekin pedagogia askatzaileari!

Asteazkenean (12) pedagogia tailerrak izango dituzte Lizarrako ikasleek. “Eraiki pedagogia askatzailea” liburuxka erabiliko dute pedagogiaren inguruan eztabaida sortzeko. Aldi berean, honen iraultzak hezkuntzaren eraldaketan daukan garrantzia azaleratuko da.

Tailerra lehenengo eta bigarren jolasaldietan burutuko dute. Gure hezkuntzan, gu parte hartzaile! Ekin pedagogia askatzaileari!

UPNAn hainbat hitzaldi eta mobilizazio antolatu dituzte mobilizazio egoera iraunkorrean

Traben gainetik, desobedientzia eduki propioen alde Iruñerrian!

Nahiz eta manifestazioa debekatu, Iruñerriko ikasleak Euskal Herriko eskoletan eduki propioak edukitzearen alde mobilizatu ziren. Eduki propioak Euskal Curriculumaren bidez eraikitzen hasteko beharra geroz eta handiagoa da, datozen erasoak (LOMCE, Euskal Herria terminoaren debekatzea Nafarroa Garaiko testuliburuetan…) direla eta.Hona hemen eduki propioak lantzeko atera genuen liburuxka.

Manifestazioaren debekuaren aurrean ikasleek errepide mozketa burutu zuten. Hau Polizia Nazionala iristean disolbatu zen Hezkuntza Sistema Propioaren aldeko oihu artean. Baita ere, “zuek hil zenuten Angel Berrueta” oihuak entzun ziren, Donibaneko okina espainiar poliziak tiroz hil zuenaren 10. urteurrenean.