2014/11/19

KALEA DENONA NAFARROAKO ISUNAK GELDITZEKO PLATAFORMA BERRIA

Zu ere isundua izan zara protesta egin edo mobilizatzeagatik?
navarro pairatzen Dugun egoera jasangaitza iruditzen zaizu?
Larunbata honetan 10: 00etan Alegría penan bilduko gara eskubide urraketa Honi Aurre egiteko, eta zatoz instancia de parte hartu! KALEA Denona  











A6 jai egun arrotzean kaleak hartuko ditugu herri eskolekin..
.Iruñea mugitzen hasi da!











Salgai bazkariko tiketak 8 eruorengatik 

TXIRRINDULAKO ISUNAK ARTXIBATU DIRA

Iruñerriko Ikasle Abertzaleak errepresioaren inguruan: 2013-2014 kurtsoan nabarmendu zen ikasle mugimendua, gaitasuna duelako euskal ikasleria osoa borrokara eramateko. Egindako mobilizazio guztietan ikasleok disidentziaren lehen lerroan jarri ginen, espainiar estatuak inposatutako hezkuntza erreformen aurrean LOMCE eta EU 2015 konkretuki; “Euskal Herrian hezkuntza herritik eta herriarentzat” lelopean eta Euskal Eskola Nazionalaren aldarria eginez milaka lagun biltzea lortu genuen. Horren ondorioz, euskal eta espainiar burgesia haren errepresioaz baliatu da ikasle mugimendua eta zehazki Ikasle Abertzaleak antolakundearen borroka geldiarezten saiatzeko. Testuinguru honetan kokatzen ditugu ikasle greba orokorrean egon ziren 24 atxilotuak, txirrindula martxa batean jasotako 40 isun neurrigabeak eta ehundaka identifikazioak. Iruñerrian errepresioaren aurkako kanpainia martxan jarri genuen, txirrindula martxako isunak errekurrituz eta ikasleon aurkako errepresioaren kontrako diskurtso politikoa garatuz; inflexio puntua, urriaren 23an Nafarroa Garaiko parlamentuaren aurrean egindako prentsaurrekoa izan zen. Espainiar estatu faxista gure oharraz jakinarazi genuen honakoan. Berriz ere, ikasleria borrokan nabermendu da, oraingoan errepresioaren aurkako ekimenetan. Nafar erregimen faxistaren erasoa garaitzea lortu dugu; gure antolakuntzaz, gure konpromezuaz eta gure borrokaz. Jasotako isunen kasua artxibatzea eta honela errepresioa geldiarazteko bidean urrats txiki bat lortu dugu. Erasoak ETEN egin ditugu! Horrela, antolakuntzaz, ilusioz eta borrokaz garaitu dezakegula ohartu gara. Gaurkoan esan dezakegu ikasleriak erein dituen borroka haziak fruitu bilakatu egin direla. Lehenik eta behin gure alde egon diren pertsona guztiei eskerrak eman nahi dizkiegu; zehazki kasua eraman duten abokatuei, borrokatu duten ikasle guztiei eta ekarpen ekonomikoa egin duten guztiei. Hala ere, kontua ez da hemen bukatzen. Martxoaren 27ko ikasle grebaren testuinguruan egindako atxiloketek, mehatxuek eta indentifikazioek ondorio ekonomiko, zein penalak ekar ditzakete eta ezin gara garaipen txiki honekin lasaitu. Iruñerriko eta Euskal Herriko ikasleriari eta oro har, jendarteari dei egiten diogu errepresio honen aurka egitera, Erregimenak ez duelako haien interesak kolokan jartzeko prest dagoen jendea bere ideiengatik edo aldarriengatik zigortzeko eskubiderik. Garaipen honek, bestalde, aurrera egiteko indarra ematen digu. Bai errepresioaren aurka eta baita errepresio horren jomuga den proiektuaren alde lanean tinko jarraitzeko. Izan ere, LOMCE, LOE, EU2015, Bologna edo bestelako eredu inposatu, merkantilista, españolista, sexista eta elitista oro baztertu eta gure beharretara egokituko den hezkuntza eredu propioa eraikitzeko erabakia irmoa da eta ez dugu amore emateko asmorik. Erregimena bere amaieran dagoen arren, orainaren jabe dira, hala ere etorkizuna gurea da. Errepresioa ETEN egin dugun legez, LOMCE eta EU 2015 ETEN egingo ditugu! Euskal Eskola Nazionala eraikiko dugu! Militante zahar hark ongi esan zuen bezala, ikara daitezela klase menderatzaileak ikasleon iraultzaren aurrean. Ikasleok ez dugu galtzeko ezer gure kateak izan ezik. Mundu bat dugu irabazteko! GORA IKASLE BORROKA! GORA EUSKAL HERRIA SOZIALISTA ETA FEMINISTA! Jo ta ke Euskal Eskola Nazionala lortu arte! ETEN, Iruñerriko Ikasle Abertzaleon talde anti-errepresiboa.

2014/05/07

ERREPRESIOAREN GAINETIK!

Guztiok dakigun bezala, martxoak 27an ikasleok irunerrian burututako greban istiluak sortu ziren, goizean bai arratsaldean. Honen harira, Espainiar Estatuko indar polizialek greba egunetik 26 IKASLE ATXILOTU DITUZTE, eta gutxi balira, atxiloketa gehiago egotea ez dute baztertzen. Gazteok atzo kontzentrazio bat egin genuen, azkeneko atxiloketak salatzeko. 18:00etan geratu ginen Gobernu Delegaritzan, baino iritsi bezain laister konzentrazioa disolbatu egin zuten. Bertan zeuden 5 ikasle hartu eta identifikatu egin zituzten, eta gainera bakoitzari 600€ko isuna jarriko zietela esan zieten. Bada, 600€ isuna, ikaskideekin elkartasuna adierazteagatik. Errepresioarekin jarraitzen badute ere, gure helburuak lortzeko borrokak ez du etenik izango, gure helburua lortu arte bakean utziko ez ditugulako Wert, Iribas eta haien lagunak ! Gobernuak errepresioarekin ikasle mugimendua itzaliko duelakoan dago, baino ez dute lortuko! IKASLEAK EUSKAL ESKOLA NAZIONALA LORTU ARTE ZUTIK BORROKAN JARRAITUKO DUGU! EUSKAL HERRIA HEZKUNTZATIK ERAIKI ARTE ZUTIK BORROKAN JARRAITUKO DUGU! [ARGAZKIAK AHOTSA.INFO BIDEZ]

2014/03/22

#GaztiakPlanto Gaua sarasate pasealekuan pasako dute Iruñerriko gazteek


Atzo erabaki zuten bezala, gaurko gaua sarasaten pasako dute gazteek. Euskararen aldeko manifestazioaren ondoren hasi dira kanpin dendak montatzen. Animo gazte! Hartu zure lo zaku, esterilla eta kanpin denda ta joan sarasatera!!! G-aztiak Planto!

Twitter bidez zuzenean jarraitzeko: @gaztiakplanto

2014/03/21

2014/03/19

Elkarlanean egingo da martxoaren 27ko ikasle grebaren jarraipen informatiboa



Iepa gazte! Euskal Herrian herritik eta herriarentzat eraikiko den hezkuntza sistema propioaren alde martxoaren 27an egingo den ikasle greba ate joka dugun honetan, komunikatiboki ere indarrak batuko ditugu. Hego Euskal Herri osoan zehar egingo diren ekimen eta mobilizazioen berri emango dugu zuzenean. Baina, nola iritsi hori guztia egitera? Bada, ikasle mugimenduaren baitan kokatzen diren proiektu komunikatiboak elkarlanean arituta!

2014/03/17

Emakumearen eguna Altsasun

Udaberri gorria dinamikaren barruan eta emakume langilearen nazioarteko egunaren harira, dokumental bat botatzea erabaki genuen Aralarko Mikel Donea ikastetxean. “Mujeres libres” dokumentala hain zuzen ere, borroka feministaren eta feminismoaren lehen urratsak kontatzen dituen dokumentala. 80 ikasle biltzea lortu genuen eta gure helburua ikasleen kontzientzia piztea izan zen, ikasle mugimendu indartsu bat lortzearren. GORA BORROKA FEMINISTA!

Inposaketen aurrrean M22an euskararen alde San Ferminen!


Asteazkenean Lizarran ekin pedagogia askatzaileari!

Asteazkenean (12) pedagogia tailerrak izango dituzte Lizarrako ikasleek. “Eraiki pedagogia askatzailea” liburuxka erabiliko dute pedagogiaren inguruan eztabaida sortzeko. Aldi berean, honen iraultzak hezkuntzaren eraldaketan daukan garrantzia azaleratuko da.

Tailerra lehenengo eta bigarren jolasaldietan burutuko dute. Gure hezkuntzan, gu parte hartzaile! Ekin pedagogia askatzaileari!

UPNAn hainbat hitzaldi eta mobilizazio antolatu dituzte mobilizazio egoera iraunkorrean

Traben gainetik, desobedientzia eduki propioen alde Iruñerrian!



Nahiz eta manifestazioa debekatu, Iruñerriko ikasleak Euskal Herriko eskoletan eduki propioak edukitzearen alde mobilizatu ziren. Eduki propioak Euskal Curriculumaren bidez eraikitzen hasteko beharra geroz eta handiagoa da, datozen erasoak (LOMCE, Euskal Herria terminoaren debekatzea Nafarroa Garaiko testuliburuetan…) direla eta.Hona hemen eduki propioak lantzeko atera genuen liburuxka.

Manifestazioaren debekuaren aurrean ikasleek errepide mozketa burutu zuten. Hau Polizia Nazionala iristean disolbatu zen Hezkuntza Sistema Propioaren aldeko oihu artean. Baita ere, “zuek hil zenuten Angel Berrueta” oihuak entzun ziren, Donibaneko okina espainiar poliziak tiroz hil zuenaren 10. urteurrenean.

Martxoaren 8ari begira Iturramako ikasleek burututako ekintzak

Iruñerriko Ikasle Abertzaleek mobilizazio iraunkorreko egoeraren baitan feminismoa aldarrikatzeko hainbat ekintza egin dituzte. Astelehenean hasi zituzten ekimenak emakumeen egoerari buruzko hitzaldi batekin. Asteartean, berriz, Iturramako kaleak feminismoaren kolore morez bete zituzten eta “gora borroka feminista” jartzen zuen mural bat ere margotu zuten. Amaitzeko, asteazkenean berriro zabaldu zuten ke morea Iruñean barrena eta bide mozketak egin zituzten zinta moreak itsatsita zituzten kateak erabiliz.

Hemen dituzue ekintza hauen argazkiak ikusgai.