2013/11/26

Erasoen aurrean NAFARROAKO IKASLERIA TINKO!





Jakina da Iturrama institutuari buruz eta orokorrean nafarroako hezkuntza publikoaren aurka egiten ari den irudikapen bortitza. Asteartean bertan, Iturrama ikastetxean, Intereconomia komunikabide faxistak institutuan sartu eta adin txikiko ikasleak baimenik gabe grabatu zituen. Komunikabide honek ere, beste batzuek egun batzuk lehenago egin duten bezala, terroristak izango balira bezala tratatu dituzte. Ikasleak gara ez terroristak!!! Kriminalizaziorik ez!!!!

2013/11/12

Azken Ikasle Dantza BERTAN BEHERA


Ikasle Abertzaleen 25. urteurrena ospatzeko larunbatean Ilunben (Donostia) egitekoa zen Azken Ikasle Dantza jaialdia bertan behera uztea erabaki dute, aurretiazko sarreren salmentak emaitza kaskarra izan duelako. Ez dute posible ikusten hurrengo egunetan sarreren salmenta nabarmen handituko dela, eta ez dute bideragarritzat jotzen jaialdia gauzatzea. Aurrera eramanez gero ospakizunak sortu lezaken diru zuloak ”aurrera begirako lan politikoa baldintzatu” aurreikusi dute.

Sarrera aurrez erosi duen jendeari dirua itzuliko diete erosi duten lekuan.

2013/11/11

Azaroaren 14an Països Catalanseko ikasle mugimenduari buruzko hitzaldia Kalekalden



Azaroaren 14an, bi egun beranduago Donostin egingo den Azken Ikasle Dantzaren harira, SEPCko (Sindicat d'Estudiants dels Països Catalans) lagunak izango ditugu Euskal Herrian. Bisita hau aprobetxatuz egun horretan, Kalekalden(Kaldereria 28-Iruñea), Països Catalanseko ikasle mugimenduari buruzko hitzaldia emango dute. Arratsaldeko 17:00tik aurrera izango da eta pintxo potea ere egongo da nahi duenarentzat. Animatu eta pasa zaitez Kalekaldetik! Visca el moviment estudiantil català!


2013/10/07

LOMCEren aurkako ekimenak aste honetarako


Espainiako Gobernuak ostegunean, urriaren 10ean, onartuko du hezkuntza erreforma. Egun berean, LOMCEren kontrako ikasle haserre eguna antolatu dugu hezigune guztietan. Bestetik, larunbatean Bilbon egingo den manifestazio nazionalean Ikasle Blokea osatzera deitzen dugu. 17:00etan izango da hitzordua, Jesusen Bihotzean.

2013/09/26

Urriaren 5ean Desobedientzia martxa Iruñean!!!


Bi gazte barañaindarren aurkako sei urteko espetxe zigorra "bidegabea" delako, "diferentzia politikoak gaindituz" pertsona desobediente guztiei deitu diete manifestazioan parte hartzera.

2013/05/23

2013/04/16

LOMCEren aurkako ikasle sinadura bilketa hasi da Gasteizko ikastetxeetan


Espainiako gobernuak LOMCE aplikatzeko atzerapausurik emateko asmorik ez duela ikusita, Gasteizko ikasleak legearen aurkako sinadura bilketa egiten hasi dira Gasteizko ikastetxeetan. Hezkuntza erreforma hau aplikatu nahi badute “gure gainetik pasatu beharko dira, ez diegu utziko” adierazi dute Gasteizeko Ikasle Abertzalek-eko kideek.

2013/04/15

“Eta zure klasean, zer?” dinamika abiarazi du Ikasle Abertzaleak-ek unibertsitateetan

Dinamikaren helburua ikasleen ikas baldintzen (kostu/zerbitzu balantzean) egoeraren zundaketa kolektibo bat egitea da. Errealitatearen arakatze txiki bat egin nahi dute, galdetegi baten bidez ikas baldintzen lagin bat ateraz. Honako galderei nahi diote erantzuna topatu: “Ikasleok matrikulazioan ordaintzen duguna jasotako zerbitzuarekin alderatuz, egokia dela esan dezakegu? Zenbatean dugu ikasleok zerbitzu edo ikas baldintza duinak?”.

Osteguna “konpromiso eguna” izango da Donostiako Aske Gunean

Paroak eta mobilizazioak antolatu dituzte Donostiako Ernai eta Ikasle Abertzaleak-ek ostegunerako. Gogorarazi dute Aske Guneak elkartasuna konpromiso bilakatzea duela helburu, eta Donostiako gazte eta ikasleak prest daudela lekukoari segida emateko.

Maiatzak 1 GAZTEOK KALERA!

2013/04/01

25. urteurrena aurkeztu dugu

Ez-ohiko dozenaka ikaslerekin batera aurkeztu dugu Ikasle Abertzaleak-en 25. urteurrena, Urduñan. Bertan dinamika guztian zehar baliatuko dugun olerkia irakurri eta euren bizipenetatik hasita ospakizun dinamika guztia aurkeztu dute Marian Beitialarrangoitiak, Azaitz Gartziak, Garbiñe Urrak eta Aitzol Gandiagak.

2013/03/24

Ikasleok ere bagoaz Gazte Danbadara!

Ikasle euskaldun, ezkertiar eta feministei Gazte Danbadan parte hartzeko deia luzatu die Ikasle Abertzaleak-ek. “Gainontzeko gazteriarekin batera, bestelako Euskal Herri independiente, sozialista eta feminista irudikatu eta borrokatuko dugu Urduñan”. Bide batez, jaialdian izango dituzten bi zita garrantzitsu gogorarazi dituzte. Batetik, LOMCE erreformaren inguruko hitzaldia, eta bestetik, Ikasle Abertzalek-en 25. urteurrenaren dinamikaren hasiera ofiziala.

2013/03/19

Sei ikasle zigortu dituzte, Bologna prozesuaren aurka protesta egiteagatik

Hamahiru gazte epaituak izan dira 2008an EHUko Leioako Campusean Bologna prozesuaren aurka era baketsuan protesta egiteagatik. Horietatik sei zigortu ditu Bilboko Epaitegiak, eta hamabost eguneko isuna ordaindu beharko dute.

2013/03/14

Iruñerrian egondako mobilizazioen argazkiak

200 ikasle inguru Lizarrako manifestazioan


Igande honetan mani-fiesta Antoniuttitik!!!


           Iniciativa Social / Herri Ekimenak MANI-FIESTA antolatu du igande honetarako Iruñean

Gaurko argazki galeria!!!

Ateak Irekik egindako argazki galeria

Albiste gehiago:
NAIZ
TOPATU.INFO
DIARIO DE NOTICIAS

Txintxillako karga poliziala


Badirudi bigarren atxilotu bat egon dela!!!

Badirudi poliza nazionalak beste ikasle bat atxilotu duela Txintxilla ondoan egondako istiluetan, beranduago konfirmatuko dugu. ATXILOTUAK ASKATU!!!

Hainbat zauritu eta karga polizialak Alde Zaharretik

La Caixa bidean

Manifestazioa aurretik hiru ikasle La Caixako bulegoan kateatu egin dira, polizia foralak bortizki oldartu da ikaslen aurka eta horietako bi identifikatuz. Ondoren ikasleek antoniuttiko bidean errepidetik joaten saiatu dira baina berriz ere poliziak gogorki ekiditu du saiakera, hainbat zauritu eraginez.
Mania bukatu ondoren ikasle multzo handi batek Txintxillara hurbiltzen saiatu dira atxilotutako ikaslearen askatasuna eskatuz, baina poliziek berehala kargatu egin dute. Karga baino lehen poliziak ikasle bat identifikatzen saiatu da, honek plaka erakustean identifikatuko zela erantzun dio. Hona hemen poliziak ikasleei esandako hainbat mehatxu:
  • "¿¡Que quereis iros calentitos a casa!?
  • "¡Tu eres el mas tonto de todos!" (identifikatu nahi izan ez duen ikasleari)
  •  "¡Vamos a ir a por ti!"(ondoren jipoitutako ikasle bati)
  • "¡Me cago en vuestra puta madre!"

ADI!!! Iturramako ikasle bat atxilotu du poliziak!!!

2013/03/06

Hezkidetza tailerra dinamizatzeko gida

Ikusi eta deskargatzeko irudian klikatu

Euskal Eskola Nazionalaren aldeko Ikasle Estrategia kaleratu du Ikasle Abertzaleakek

Ikasle Estrategia ponentzia:



Iragan abenduaren 14 eta 15ean eman genion Ikasle Abertzaleak antolakundeak amaiera urtarrilean abiarazi genuen kongresu prozesuari. Atarrabian bildutako militanteek Ikasle Estrategiaren behin betiko ponentzia adostu zuten, kontsentsu kolektiboa oinarri izanik.

2013/03/02

ERNAI jaio da!!!

Mila gazte ingururen aurrean ernaldu da Ernai, Ezker Abertzaleko gazte antolakundea. Lizarrako Remontival pilotalekuan aurkeztu dute Zukgua prozesuan Hego Euskal Herriko milaka norbanakok gorpuztutako bilgunea. Euskal Estatu sozialista eta feminista helburu, herriz herri antolatu eta lan egiteko garaia dela adierazi dute, borrokarako unea dela. Kongresua amaitu ostean, kalejiran eta jai giroan abiatu dira gazteak herrirantz.

2013/02/25

Martxoak 2 manifestazioa Autobus Geltokitik, LOMCEri EZ!

ELA, LAB, STEE-EILAS, Sortzen-Ikasbatuaz eta Ikasle Abertzaleen babesarekin, Hezkuntza komunitateak martxoaren 2an Bilbo, Gasteiz, Iruñea eta Donostian LOMCE aurreproiektuaren aurka egingo diren manifestazioetan parte hartzeko deia luzatu du.
Iruñeako manifestazioa arratsaldeko 17:30tan aterako da Autobus Geltokitik.

2013/02/21

Gasteizko Ikasle Mugimenduak greba deialdia egin du martxoaren 1erako

 
Gasteizko Ikasle Mugimenduak greba deialdia egin du martxoaren 1erako, Martxoko Ikasle Iraultza abian jarri asmoz. Era berean, atxikimendua adierazi dio langile mugimenduari, martxoaren 3ko data esanguratsua gogoan hartuz. Ikasle grebari hasiera emateko Laminaciones Arregui enpresako langileen borrokaren eta Burujabetzaren inguruko hitzaldiak izango dira gune ezberdinetan, eta horren ostean ikasleak batu eta manifestazioa egingo dute Andra Mari Zuriaren plazatik.

2013/02/20

Nafarroako Ikasle Abertzaleaken prentsaurrekoa: LOMCE legeari EZ!

Espainiako gobernuak hezkuntzan ezarri nahi duen LOMCE legea deuseustea, agintarien dimisioa eta hezkuntza ereduaren inguruko eztabaida zabaltzea exijitu dugu gaurko prentsaurrekoan. Honekin batera, egungo sistema kapitalista patriarkala eta “Madrili begira dagoen hezkuntza eredu inposatua” salatu eta Martxoa hasieran egingo diugun mobilizazioetara deitu dugu.

2013/02/17

Nafarroako Ikasleria LOMCE legearen aurrean, borrokan tinko!!!

Espainiako Gobernuak ezarri nahi duen hezkuntza legea aztertzen hasi aurretik, ezinbestekotzat jo du Ikasle Abertzaleak antolakundeak legea bere testuinguruan azaltzea. PPk dituen helburuak hobeto ulertzeaz gain, legearen gaineko irakurketa eta aurrera begira duten planteamendua biltzen ditu liburuxkak.
Liburuxka ikusteko HEMEN klikatu

2013/02/14

O-28, Greba Orokorra Sakanan!


Manifestua ikasle ikuspegitik:

SAKANA EZ DA IXTEN! UPN GURE ETORKIZUNA LAPURTZEN 

Jada, krisiaren 5.urteari ekin diogu Sakanan. Egoeraren larritasuna begi bistakoa da bailara osoan: hamarnaka enpresa txiki, ertain eta handi itxita, ehunka lanpostu suntsituta, 1800 langabetu baino gehiago (2008an baino 3 aldiz gehiago), gazteen erdia langabezian, komertzioa eta ostalaritza kinka larrian, lehendabiziko sektorea bizi irauten, hezkuntza, osasun eta zerbitzu sozialak murrizturik... Jakinda Iruñeko Gobernutik ez dugula laguntzarik jasotzen, ez proposamenik, ez ekimenik gure egoera sozio ekonomikoa dinamizatu eta suspertzeko, Ikasleon etorkizuna borrokatzeko asmoz, bereziki, Sakanan bizi, lan eta ikasi nahi dugunez, Otsailaren 28an, eskualde mailan egingo dugun greban, sektore garrantzitsu bat garen aldetik, bertan parte hartzeko beharra ikusten dugu.

Ikasleak garen aldetik, gure etorkizuna Sakanan egon dadin bermatu nahi dugu. Egoerak horrela jarraitzen badu eta gainera besoak gurutzaturik jarraitzen badugu, ehunka familia, Sakanatik joateko beharraren aurkituko dira. Hori dela eta hezkuntza eskaerak behera egingo du eta honek, ikastetxeak ixtea ekarriko du.

“Aski da!” Esateko garaia dela iruditzen zaigu. Sakana itxi nahi du UPN-k eta guk bertan bizi, lan eta ikasi nahi dugu. Gure etorkizuna lapurtu nahi dute eta gure esku dago defendatzea. Nafar Gobernuak konpromiso batzuk hartu behar ditu Sakanarekiko eta gure ikastetxeekiko:

Gure hezkuntzarako eskubideak bermatu behar ditu, Altsasuko Lanbide Hezkuntzan ematen diren aukerak dibertsifikatuz eta bailararen beharrei erantzunez eta gainontzeko zentroetako kalitatea bermatuz, behar den inbertsioa eginez eta langile kopurua bermatuz.

Otsailaren 28an egingo den Sakanako greba orokorrari oihartzuna emateko, aurretik, Otsailaren 21ean Ikasleok Sindikatu eta udal ordezkariekin batera, parlamentura joango gara gure eskubideak defendatzea. Horretarako beharrezkoa dugu, ikasle eta irakasleon parte hartzea. Animatu eta gure etorkizuna BORROKATU!

Sakanan Bizi,Lan eta Ikasi!

2013/02/04

"Kalekalde", Iruñerriko Gazte Mugimenduaren proiektuaren aurkezpena!

Pasaden Larunbatean, "Kalekalde", Iruñerriko Gazte Mugimenduaren proiektuaren aurkezpena burutu zen. Hona hemen Kalekaldeko bi kideei egindako elkarrizketa.

2013/01/23

5 pertsona atxilotu ditu Foruzaingoak eskola euskaldun bat aldarrikatzeagatik


Iruñean Hezkuntza sailaren aurrean Euskal Herrian Euskaraz taldeak ekimen bat egin du eskolak euskaldundu behar duela aldarrikatzeko. 5 pertsona atxilotu ditu Foruzaingoak.

2013/01/22

Hamahiru ikasle epaituko dituzte asteazkenean, Bolognaren aurka protesta egiteagatik


Protestak Leioan (2008)

Epaiketa iragan irailaren 26an zen egitekoa, baina, greba orokorra medio, atzeratu egin zen urtarrilaren 23ra. Lau hilabeteko espetxe zigorra eskatu dute ikasle bakoitzarentzat, 2008an, EHUren Leioako Campusean, Bolognaren aplikazioa onartzekoa zen klaustroa era baketsuan etetearren. Ikasle Abertzaleak-ek Euskal Herriko unibertsitateetan eman izan diren eta ematen diren eskubide zibil eta politikoen urraketa salatu du.

Altsasuko Ikasle Abertzaleatik errausketari ezetza eman diote


2013/01/17

Iruñerriatik Kalera rockera autobusa!!!






"Tximeletak etengabeko metamorfosia" dokumentala aurkeztu zen ostegunean


Urtarrilaren 10ean "Tximeletak etengabeko metamorfosia" dokumentala aurkeztu zen Iruñerrian. Dokumentalaren aurkezpena aprobetxatuz, hainbat gazte kolektiboetako kide oihek, Iruñerriko Gazte Mugimenduaren parte diren eragile horien historia eta beraiek izandako bizipenak kontatu zizkiguten. Gazte peñaren sorrera, Lurraska.inforen (barañaingo gazte komunikazio proiektua)eta Iruñerriko Gazte Asanbladaren ibilbidea, Ikasle Abertzaleakeko lagunek egindako borrokak..besteak beste.

2013/01/08

Ikasle Abertzaleak-eko sudadera salgai!




Sudadera bat nahi izatekotan zuen ikastetxeko IAko lagunei eskatu.
18€

"Tximeletak" gazte mugimenduaren inguruko dokumentala aurkeztuko da Iruñean





Iruñeako Hegan&Dream-en (Kale Nagusian 50) izango da aurkezpena. Dokumental honekin Euskal Herriko gazte borrokak hiru hamarkada luzeetan utzitako arrastoa jasotzen saiatu dira. Esperientziak, proiektuak, bizipenak, erasoak, garaipenak... aurkituko ditugu dokumental honetan. Eta batez ere, gazte borrokaren ibilbide luze honetan, gazteak garai berrietara egokitzeko izan den gaitasuna. Dokumentala aurkeztearekin batera, Iruñerriko gazte mugimenduak sortutako proiektu ezberdinak ekarriko dira gogora: Gazte Peñaren sorrera, gaztetxeen loraldia eta hauetan sortutako bizi ereduak, proiektu komunikatiboak, ikasle borrokak... solasaldi baten bitartez. Beraz, aukera paregabea belaunaldi ezberdinetako gazteak elkartzeko, harrotasunez atzera begiratu eta aurrean dugunari ilusioz eta indarraz ekiteko.